Job Vacancy: BELUN-Kordenador Kapasitasaun-CD 18 de Abril 2013

Employment Opportunities

Dead line: 18 de Abril 2013
Belun mak organizasaun nasionál no independente. Belun hari’i husi Timor oan iha loron 12 de Juñu 2004. Vizaun Belun mak Povo Timor-Leste Partisipa iha Prosesu Dezenvolvimentu no Hari’i no hametin Dame. Atu alkansa vizaun ida ne’e Belun halo bá nia misaun Hakbi’it komunidade, dezenvolve kapasidade, prevene konflitu, no hamenus tensaun. Hodi realiza Belun nia misaun, Belun hametin parseria ho Institutu Marques de Vale Flór (IMVF) husi Portugal bá implementa projetu Asistensia Teknika no Reforsa Kapasidade bá HASATIL no organizasaun sosiedade sivíl ho aksaun dezentralizadu iha dezenvolvimentu rural.
Atu implementa projetu no didi’ak, agora dadauk, Belun buka hela maluk nain ida atu prenxe bá pozisaun mensiona tuir mai:
Pozisaun         : Kordenador Kapasitasaun.
Hatan bá         : Diretór no Jestor Belun.
Superviziona  : Dezenvolvimentu kapasidade Parseiru.

Objetivu bo’ot bá projetu atu Kontribui bá hamenus kiak no hari’i Dame iha moris komunidade, no hametin rede HASATIL hanesan mahon bá membru sira ne’ébe serbisu iha dezemvolvimentu rural. Instituisaun governamental sira bá kopera no haforsa kbi’it komunidade rural.

Kna’ar no Responsabilidade
  • Jere programa tomak hodi responde ba kna’ar Belun bá fasilita no dezenvolve Kapasitasaun parseiru.
  • Atende regular enkontru steering committee kada fulan no update informasaun sumariu rezultadu ekontru. Nomos enkontru ho stakeholders seluk.
  • Lidera no dezenvolve planu serbisu tuir prioriedade mensal hodi hatan di’ak ba annual work plan nomos reve planu serbisu mensal ekipa hodi serteza bá implementa atividade ho kualidade.
  • Dezenvolve ajenda, modul treinamentu hamtuk 5 nomos relatoriu rezultadu atividades.
  • Dezenvolve avaliasaun nesesidades treinamentu, dokumentus ne’ebé nesesita no oferese bá parseirus, nu’udar benefisiarius, analiza no antes implementa treinu.
  • Fasilita treinamentu komun no individual bá parseirus ho dezenvolve relatoriu kada parseirus hodi implementa aksaun bá oin.
  • Preparasaun materia no lojistiku antes implementa treinamentu.
  • Rekapita bá materia ne’ébe hetan husi treinamentu.
  • Kordenasaun di’ak ho ekipa IMVF no parseirus NGOs hanesan FONGTIL, Rede HASATIL, FOKUPERS no ETADEP nu’udar parseiru implementa programa. Nomos parsieur membru HASATIL iha distritu.
  • Jere dokumentus programa ho kualidade iha Dokumentus bo’ot Belun no arkivu di’ak rezultadu treinamentu.
  • Avalia performance serbisu ekipa kada fulan tolu nomos update rezultadu bá jestor Belun.
  • Halo dokumentasaun iha atividades no dezenvolve relatoriu progresu, tinan bá atividades tomak no oferese bá diretór hodi aprova.
  • Fasilita planu estratejiku bá kada parseiru NGOs no monitoriza rezultadu treinu husi dezenvolve relatoriu, nomos implementa evaluasaun bá impaktu treinamentu kada parseirus iha distritu.

Kriteria
  • Hela metin iha distritu Dili no viajen bá – mai  distritu tuir ejijensia serbisu.
  • Badinas no abilidade serbisu iha ekipa.
  • Esperiénsia serbisu ho team.
  • Esperiénsia ho kapasidade ba lidera atividades ho ekipa.
  • Kapasidade iha lian Tetun (tuir ortografia), ngles no di’ak Portugés.
  • Kbi’it ba uza programa MS Office, excel no koñesimentu email.
  • Iha karta kondisaun bá motor no kareta.
Kualifikasaun
  • Akaba universitariu, departementu dezenvolvimentu komunitariu ka kursu relevante.
  • Esperiénsia serbisu NGOs ou Instituisaun seluk iha tinan 3 nia laran bá desenvolvimentu kapasidade.
  • Esperiensia hakerek modul treinamentu ho notas fasilitasaun.
  • Kbi’it nu’udar formador ho esperiensia klean.
  • Koñesementu iha area kapasitasaun, resolusaun no transformasaun konflitu.
  • Esperiensia di’ak bá analiza rezultadu treinamentu no hakerek relatoriu iha lianTetun (tuir ortografia) ho kualidade.
  • Koñesementu igualdade jenéru.

Durasaun: fulan 3 (posibilidade estensaun)

Maluk sira ne’ebé interese, favor hatama CV no dokumentus relevante seluk mai edifisiu Belun-Farol, Dili antes tuku 5.30 lokraik iha dia, 18 de Abril 2013. Atu hatene di’ak liu tan informasaun bá vaga ne’e, bele kontaktu ba numeru telemovel 7792 3869 ou email concei.2012@gmail.com .  Enkouraja feto hodi aplika.

Dili,  11  de Marsu 2013
Management Belun

Hakerek Husi : Buka servisu ~ DosoGames

Muh.Akram Ita bo'ot sira le'e hela Job Vacancy: BELUN-Kordenador Kapasitasaun-CD 18 de Abril 2013 Hakerek Husi Blog Vagas Servisu Iha informasaun vaga servisu? : manda ita bo'ot sira nia InFormasaun ba ami nia email: opinitimor@sapo.tl

hakarak asesu informasaun vaga servisu..? hakerek email iha kra'ik ne'e hodi asesu direita iha ita bo'ot sira nia Email Blog Vagas Servisu

hakerek ita nia email iha ne'e:

Delivered by Opini Timor

0 comments:

Post a Comment

SPONSOR

SPONSOR

Sponsor

Sponsor

Hare Ami Iha Facebook

Back to top