Job Vacancy: ANP_4 Positions-CD 17 April 2013

Employment Opportunities

4 Positions-17April 2013

Closing Date: 17-04-2013

Autoridade Nacional do Petroleo (ANP) hanesan orgaun ida nebe maka responsabiliza hodi maneija, regula, no kontrola atividade minarai iha Tasi Timor hanesan area konjunta no area esklusiva Timor nian.
Ho ida nee instituisaun ne’e buka hela atu rekruta Profesional Timor Oan haat atu serbisu iha pozisaun hanesan tuir mai nee:

1. Director – PSC and Legal Compliance – (Re-advertise)
2. Local Content Officer – PSCs Procurement
3. Local Content Officer – PSCs Training & Employment
4. Travel Officer

Kandidatu ne’ebé mak manan ba vaga hanesan Director – PSC no Legal Compliance sei servisu Hanesan Director iha Dirasaun PSC no Legal nian. Kandidatu nebe maka manan iha vaga Local Content Officer iha PSCs Procurement sei servisu hamutuk ho Dirasaun Local Content nian hare liu ba iha asuntu aprozionamentu. Kandidatu nebe maka manan iha vaga Local Content Officer ba iha PSCs Training and Employment sei servisu ihaDirasaun Local Content no hare liu ba iha jestaun treinamentu no funcionario nian iha PSCs, no ikus liu kandidatu nebe maka manan iha Travel Officer sei servisu hodi maneija viajem funcionario ANP nian iha dirasaun Servisu Coperativa ANP nian.

Ba informasaun klaru liu tan no Tarefa Serbisu nian, ita boot sira bele download / hasai husi ANP nia website: www.anp-tl.org ou klik iha nee atu download vagas nee hotu.

ka visita:

Edifisu ANP iha Palacio do Governo, , iha Diresaun Rekurso Umanu nian, ka bele mos kontaktu ba Númeru Telefoni: 332 – 40 98 ka email ba: hr@anp-tl.org

Aplikasaun: Ita boot sira nia dokumentu sira hanesan Curricula Vitae (CV) ka resumu inklui karta aplikasaun ne’ebé esplika ita bo’ot nia kapasidade propriu ba pozisaun sira ne’e, no haruka ba Diresaun Rekurso Umano ANP nian ka liu husi email: hr@anp-tl.org 

Ita boot nia CV ka resumu tenki hakerek ho lian Ingles no inklui mos pesoal referensia nain tolu.

Vaga ida ne’e sei taka iha loron 17 April 2013, oras tuku 05.00 loro kraik.

ANP promove oportunidade serbisu hanesan ba jeneiru hotu-hotu iha Timor-Leste. 
ANP mos investe makas iha Dezenvolvimentu Kapasidade ba Rekursu Umanu sira.

Job Vacancy: Ministerio Publico-Konkursu Publiku-CD 19 Abril 2013

Employment Opportunities

 Closing Date: 19 -4-2013
Ministerio Publico
Direcção Administração e Recurso Humanos
Ministériu Públiku/Prokuradoria Jerál Repúblika, loke konkursu públiku ba area : Enjiñeriu Sivil, Vaga ida ho Enjiñeriu Arthitektura vaga ida.
Atu hetan informasaun klaru, haree iha Quadru Avisu Prokuradoria Jerál Repúblika, Colmera Dili ou iha website. www.mp.tl
Vaga ne’e sei taka iha loron-19 fulan-Abril Tinan-2013
File PDF konkursu públiku ba vaga/pozisaun Enjiñeriu Sivil no Arthitektura Download

Job Vacancy: CARE TL-Koletor Dadus (Peskizador) Ema Na’in 48 Staff-Care TL- CD 15 Abril 2013

Employment Opportunities

Internalmente & Eksternalmente

CARE International iha Timor- Leste – CITL

Projetu                                 : Programa Pilotu Prevensaun Husik Eskola / PPHE
Pozisaun                              : Koletor Dadus (Peskizador) – Ema Na’in 48
Relata ba                             : Xefe da Ekipa (Team Leader)
Durasaun Kontratu    : Loron 35 / Semana 6. Serbisu halao durante loron 6 kada semana durante

FAVOR haruka Karta Aplikasaun no CV deit. (Ami la hakarak dokumentu sira seluk hanesan sertifikadu ka diploma)

Informasaun Badak:

CARE Internasional iha Timor-Leste agora ne’e dadaun implementa programa ida ne’ebé mak hanaran Programa Pilotu Prevensaun Husik Eskola (Programa PPHE). Projeitu ne’e hala’o iha tinan tolu nia laran, no hetan fundus husi Povu Amerikanu liu husi Ajensia Estadus Unidos ba Dezenvolvimentu Internasional (USAID), ne’ebé mak ho nia objetivu atu hadia efektivu husi programa prevensaun husik hela eskola iha nasaun haat iha Asia.

Rezumu Pozisaun:

Data kolektor sei servisu iha ekipa ida no sei responsabliza ba data koleksaun nian. Durante periodu ida mais ou menus semana 5. Data koleksaun ne’e sei halao iha eskola 191 iha Timor-Leste. Sei uza material gravasaun, kestionario ba eskola, ba estudantes, no mos ba mestre/a. Ekipa ne’e sei aloka no halo gravasaun ba informasaun husi estudante sira iha kada eskola no halao intervista ba director/a da eskola no mestre/a sira. Lista eskola nian, instrumentu no matadalan sei prepara husi SDPP. Peskizador sira sei hetan treinamentu husi SDPP.

Relatoriu no supervizaun:

Ofisial Koletor Dadus (Peskizador) sei halo relatóriu ba Xefe da Ekipa (Team Leader) iha kampu nian.

Responsabilidade Prinsipál:

1. Partisipa iha treinamentu
2.  Estuda no komprende instrumentu ne’ebé mak uza
3.  Halao visita ba eskola tuir orariu ne’ebé mak determina ona tuir diresaun no prosedur SDPP nian.
4.  Iha formatu ne’ebé maka lo’os natoon atu hatan ba kolesaun dadus nian.
5.  Halo entervista ho mestre/a no estudantes tuir orario ne’ebé mak Xefe da Ekipa kampu nian determina ona.
6.  Atende administrasaun (koleta informasaun tuir estudante sira nia naran, background no karakter, atendementu, hahalok no seluk tan) no prienxe ho loloos. Antes atu husik hela eskola ida ba eskola seluk loro-loron. Asegura katak formatu ba data koleksaun kompletu no prenxe ho loloos.
7.  Kontrola no rai didi’ak format ne’ebé maka kompleta ona, no intrega ba Xefe da Ekipa (Team Leader) bainhira remata ona vizita ba eskola.
8.  Asiste Xefe da Ekipa hodi prepara dokumentus viajen sekarik persija.
9.  Fó konsellu ba Xefe da Ekipa atu hatan ba problemas, isu no perguntas sira.
10.  Halo nota ba pergunta metodologikal nian no entrega kedas ba Xefe da Ekipa (Team Leader) atu kontaktu Xefe da Projetu hodi hetan resposta.
11.  To’o iha eskola tuir oráriu ne’ebé maka determina ona.

Presiza Kualifikasaun no Abilidade:

• Mínimu maka remata ona eskola sekundária (SMA) no iha esperiênsia ba data koleksaun no pernah halao ona atividade peskiza.
• Iha komprensaun báziku no esperiênsia kona ba peskiza liu-liu iha kontekstu eskola nian.
• Bele kolia lian Tetum no lian lokal ( ezemplu: mambae, bunak, kemak, tokodede, galoleng, tetun terik, makasae no nauoti)
• Bele halo gravasaun ba intervista (hakerek)
• Bele esplika objetivu estudu no atividades Programa PPHE nian.
• Bele no hakarak atu servisu iha area rural.
• Bele establese relasaun diak ho ema seluk inklui alunu, inan-aman, mestre/a no lider komunidade sira.

Hatama Aplikasaun

Ba sira ne’e be interese ba pozisaun ida ne’e, favor hatama imi  nia karta aplikasaun no  Curriculum Vitae deit (Lalika dokumentu sira seluk) ho naran referênsia ema na’in rua ba HR Unit, CARE International Timor-Leste, Bairro Pite Dili, O liu husi email olivia.machado@careint.org. Aplikasaun ne’e taka iha dia 15 Abril 2013 tuku 5 lokraik no CARE sei kontaktu deit ba kandidatu ne’e ba mak liu lista badak atu halo entervista. Favor bele vizita ami nia blog www.caretimorleste.blog.com atu hetan informasaun klaru liu tan.

CARE fó oportunidade ne’ebé hanesan ba staff hotu. Feto mak sei prioridade liu atu apply ba posisaun ida ne’e.

Job Vacancy: Care TL-Ofisial Hatama Dadus (Data Entry Clerk) – Ema Na’in 20-CD 15 Abril 2013

Internalmente & Eksternalmente

CARE International iha Timor-Leste – CITL

 Employment Opportunities

Projeto                                 : Programa Pilotu Prevensaun Husik Eskola / PPHE

Pozisaun                              : Ofisial Hatama Dadus (Data Entry Clerk) – Ema Na’in 20

Relata ba                             : Data Entry Manager

Durasaun Kontratu     : Loron 24 / Semana 4. Serbisu halao durante loron 6 kada semana.

FAVOR haruka Karta Aplikasaun no CV deit. (Ami la hakarak dokumentu sira seluk hanesan sertifikadu ka diploma)

Informasaun Badak:

 CARE Internasional iha Timor-Leste agora ne’e dadaun implementa programa ida ne’ebé mak hanaran Programa Pilotu Prevensaun Husik Eskola (Programa PPHE). Projeitu ne’e hala’o iha tinan tolu nia laran, no hetan fundus husi Povu Amerikanu liu husi Ajensia Estadus Unidos ba Dezenvolvimentu Internasional (USAID), ne’ebé mak ho nia objetivu atu hadia efektivu husi programa prevensaun husik hela eskola iha nasaun haat iha Asia.

Resumu Posizaun:

Data entry sei responsabliza husi hatama dadus husi questionario ne’ebé maka kompletu ba CSPro data base, dadus questionario sira ne’e maka iha oin haat (questionario ba alunu, mestri, eskola, no formatu hasai dadus) sei hatama ba database. CSPro data entry halo verifikasaun hodi uza sistema ne’ebé maka sei offerese husi Programa PPHE.

 Relatoriu no Supervisaun :

 Data entry sei halo relatorio ba Data Entry Manager.

Responsabliza Prinsipál:

1. Partisipa iha treinamentu.
2. Estuda no kompreende matadalan ba instrumentu sira.
3. Sei responsabliza hodi hatama dadus questionario sira ne’ebé maka iha ba database baseia ba matadalan no orariu no tempu ne’ebé maka determina ona.
4. Sei hatama fali dadus ne’ebé maka presiza kontrola nia kualidade baseia pedidu husi supervisor, atu asegura dadus nia loos no seguru.
5. Hadia erru dadus/file ne’ebé maka identifika liuhusi supervisor nia verifikasaun
6. Relata problema husi data entry/erru inclui problemas ne’ebé maka notas iha questionariu sira (haksoit, ladun klaru, la bele le’e) ba ita nia supervisor.
7. Responsabliza hodi hatama/ tau questionario sira iha fatin ne’ebé maka determina/seguru  tuir matadalan husi ita nia supervisor.

Presiza Kualifikasaun no Abilidade:

• Iha skill atu uza  programa komputador, database;

• Iha esperiensia halao survey no hatama dadus;

• Ema ne’ebé responsavel ba data entry lolos ema ne’ebé maka iha nivel kualifikasaun eskola ne’ebé aas.

Hatama Aplikasaun

Ba sira ne’e be interese ba pozisaun ida ne’e, favor hatama imi  nia karta aplikasaun no  Curriculum Vitae deit (Lalika dokumentu sira seluk) ho naran referênsia ema na’in rua ba HR Unit, CARE International Timor-Leste, Bairro Pite Dili, O liu husi email olivia.machado@careint.org. Aplikasaun ne’e taka iha dia 15 Abril 2013 tuku 5 lokraik no CARE sei kontaktu deit ba kandidatu ne’e ba mak liu lista badak atu halo entervista.

Favor bele vizita ami nia blog www.caretimorleste.blog.com atu hetan informasaun klaru liu tan.

CARE fó oportunidade ne’ebé hanesan ba staff hotu. Feto mak sei prioridade liu atu apply ba posisaun ida ne’e.

Job Vacancy:Care TL-Xefe da Ekipa (Team Leader) – Ema Na’in 10-CD 15 Abril 2013

 Employment Opportunities

Internalmente & Eksternalmente

CARE International iha Timor- Leste – CITL

Projeto                                 : Programa Pilotu Prevensaun Husik Eskola / PPHE

Pozisaun                              : Xefe da Ekipa (Team Leader) – Ema Na’in 10

Relata ba                             : Diretor Projetu

Durasaun Kontratu     : Loron 35 / Semana 6. Serbisu halao durante loron 6 kada semana.

FAVOR haruka Karta Aplikasaun no CV deit. (Ami la hakarak dokumentu sira seluk hanesan sertifikadu ka diploma)

Informasaun Badak:

CARE Internasional iha Timor-Leste agora ne’e dadaun implementa programa ida ne’ebé mak hanaran Programa Pilotu Prevensaun Husik Eskola (Programa PPHE). Projeitu ne’e hala’o iha tinan tolu nia laran, no hetan fundus husi Povu Amerikanu liu husi Ajensia Estadus Unidos ba Dezenvolvimentu Internasional (USAID), ne’ebé mak ho nia objetivu atu hadia efektivu husi programa prevensaun husik hela eskola iha nasaun haat iha Asia.

Relatoriu no supervizaun:

Xefe da Ekipa (Team Leader) sei halo relatoriu ba Diretor Projeto nian.

Responsabilidade Prinsipál:

1. Partisipa iha treinamentu
2. Estuda no komprende instrumentu ne’ebé mak uza
3. Tau matan no suporta serbisu ekipa peskiza bainhira hala’o vizita ba fatin peskiza (eskola no serbisu fatin governu nian) hodi hala’o entrevista ba ema ida-idak no grupu ho participante sira;
4. Aprezenta ekipa peskiza ba pesoal eskola no funsionáriu Edukasaun.
5. Haree didi’ak no respeita hahalok no hanoin lokal;
6. Tenke komprende ho klaru objetivu peskiza no asegura katak ekipa peskiza esplika didi’ak pergunta hotu ba partisipante sira no marka didi’ak sira-nia resposta iha fatin ne’ebé loos;
7. Tau matan ba prosesu hodi haree fila fali rejistu peskiza, hadi’a problema ruma ne’ebé hetan no fó informasaun ba Diretor Projetu karik labele hadi’a;
8. Tau matan hodi asegura katak kestionáriu hotu prenxe didi’ak, tau hamutuk no lori ba serbisu fatin Programa PPHE nian.

Xefe da Ekipa tenke toman atu suporta ekipa peskiza hodi hala’o viajen ba fatin peskiza, inklui ba área remota maski karik tenke toba iha ne’ebá. Xefe da Ekipa tenke pronto atu serbisu loron neen iha semana ida no adapta ba oráriu flexivel tuir presizu.

Presiza Kualifikasaun no Abilidade:

• Remata universidade no iha esperiensia ba data koleksaun no pernah halao ona atividade peskiza ho esperiénsia iha manajementu ekipa no dezenvolvimentu ekipa.
• Iha komprensaun báziku no esperiensia kona ba peskiza liu-liu iha kontekstu eskola nian.
• Tenke komunika didi’ak, sai hanesan líder, iha motivasaun no abilidade atu maneja tempu ho di’ak.
• Tenke toman ho kultura no hanoin lokal no iha kapasidade atu fasilita enkontru.
• Tenke iha abilidade atu adapta ba serbisu ba oras naruk ho flexivel.
• Bele koalia lian Tetum no lian lokal (ezemplu: mambae, bunak, kemak, tokodede, galoleng, tetun terik, makasae no nauoti)
• Bele halo gravasaun ba entervista (hakerek)
• Bele esplika objetivu estudu no atividade Programa PPHE nian.
• Bele no hakarak servisu iha area rural.

Hatama Aplikasaun

Ba sira ne’e be interese ba pozisaun ida ne’e, favor hatama imi  nia karta aplikasaun no  Curriculum Vitae deit (Lalika dokumentu sira seluk) ho naran referênsia ema na’in rua ba HR Unit, CARE International Timor-Leste, Bairro Pite Dili, O liu husi email olivia.machado@careint.org. Aplikasaun ne’e taka iha dia 15 Abril 2013 tuku 5 lokraik no CARE sei kontaktu deit ba kandidatu ne’e ba mak liu lista badak atu halo entervista. Favor bele vizita ami nia blog www.caretimorleste.blog.com atu hetan informasaun klaru liu tan.

CARE fó oportunidade ne’ebé hanesan ba staff hotu. Feto mak sei prioridade liu atu apply ba posisaun ida ne’e.

Job Vacancy: BELUN-Jestor Edifisiu-CD 21 de Abril 2013

 Employment Opportunities

 Closing date: 21 de Abril 2013

Belun mak organizasaun nasionál no independente. Belun hari’i husi Timor oan iha fulan 12 de Juñu 2004. Vizaun Belun mak Povo Timor-Leste Partisipa iha Prosesu Dezenvolvimentu no Hari’i no hametin Dame.

Agora dadauk, Belun buka hela maluk nain ida atu prenxe bá pozisaun ne’e hodi fasilita jestaun edifisiu iha serbisu operasional bá hametin Instituisaun no Programa.

Pozisaun:              Jestor Edifisiu.

Hatan bá:              Diretór.

Superviziona:  Serbisu Administrasaun no Dezenvolve Rekursus Humanus.

Kna’ar no Responsabilidade, mensiona tuir mai:

• Tau matan tomak bá jere serbisu administrasaun organizasaun hanesan, responsabiliza bá prosesu rekrutamentu staff foun tuir organizasaun nia presiza.
• Monitoriza no maneja staff tuir planu serbisu, sosializa politika Belun bá ekipa no stakeholders sira.
• Fasilita enkontru fulan-fulan ho ekipa suporta unidade no dezenvolve no arkivu rezultadu enkontru.
• Maneja no update dokumentus tomak iha folder no elektronik.
• Prepara kontratu bá staff sira tuir periodu servisu ne’ebé mak Belun presiza no asegura katak kontratu ne’e lao tuir regras Belun nian ne’ebé haktuir iha Manual Belun.
• Halo introdusaun bá staff foun nomos Instituisaun Governu ou stakeholders ne’ebé mak presiza hetan informasaun kona-ba Belun.
• Prepara formatu atu halo evaluasaun staff nian tuir tempu no trasa mos estratejia atu halo evaluasaun bá staff.
• Halo update no haforsa  regulamentu kona-ba operasaun transportes, ho kopera ofisiál Lojistiku. Nomos hatan pedidu kotasaun tuir parseiru doador no Belun rasik nia pedidu iha serbisu projetu,
• Responsabiliza no update regular asset (ekipamentu).
• Administra no Kontrola inventarizasaun asset tomak.
• Avalia kapasidade staff nian no dezenvolve planu bá hametin kapasidade staff.
• Dezenvolve regular ba absensia/time sheet, annnual leave no ferias seluk.
• Maneja karta tama no sai no dezenvolve karta formal bá Governu, doadores no organizasaun kompetente relasiona ho serbisu.
• Halo aprosimasaun ka mediasaun bá responde konflitu internal tuir pedidu staff  ka jestor.
• Halo klarifika informasaun adekuadu kona-ba situasaun husi parte hotu-hotu antes aprezenta ba ekipa jestor no diretór.
• Aprezenta kazu ba diretór hodi foti  desizaun bainhira la hetan solusaun mediasaun.
• Organiza no maneja enkontru ho Board, Jestor no enkontru ekipa liga bá programa nomos enkontru suporta unidade.
• Atende enkontru ho parseiru liga ba asuntu dezenvolvimentu rekursus humanus.
• Hatan ba kazu staff ka jestor programa bele aprezenta informasaun ho eskrita hodi dezenvolve informasaun no fahé ba Jestor no diretór hodi tetu ba foti desizaun.
• Haforsa katalog ba jestaun dokumentus Belun no segura  ho konfidensial bá dokumentus relevante.
• Kordena serbisu ho Jestor programa ba asuntu nesesidades  nomos ekipa finansas, maneja  ho ekipa jestor ba annual report, update brosura Belun no organiza distribuisaun.
• Hamutuk ekipa IT ba manutensaun website no media sosial seluk tuir politika IT.
• Monitoriza no evaluasaun serbisu ekipa suprta unidade regular.

Serbisu spesifiku ba pozisaun refere ne’ebé seidauk mensiona sei apar ho politika Belun ne’ebé kesi iha Manual Politika Belun.

Kriteria

• Hela metin iha distritu Dili.
• Badinas no abilidade serbisu iha ekipa.
• Esperiénsia serbisu ho team.
• Esperiénsia ho kapasidade ba lidera atividades ho ekipa.
• Kapasidade iha lian Tetun diak, Inglés no vantajen iha Portugés.
• Kbi’it ba uza programa MS Office, excel no koñesementu email.

Kualifikasaun

• Akaba universitariu ho departementu jestaun administrasaun ka kursu relevantes.
• Esperiénsia serbisu NGOs ka Instituisaun relevante iha tinan 3 nia laran.
• Koñesementu iha area jestaun administrasaun, resolusaun no transformasaun konflitu.
• Esperiensia di’ak hakerek relatoriu iha lianTetun (tuir ortografia), Inglés no Portugés.
• Koñesementu igualdade jenéru.

Durasaun: fulan 3 (posibilidade estensaun)

Maluk sira ne’ebé interese, favor hatama CV no dokumentus relevante seluk mai edifisiu Belun-Farol, Dili antes tuku 5.30 lokraik iha dia, 21 de Abril 2013. Atu hatene diak liu tan informasaun, favor bele kontaktu ba numeru telemovel 7792 3869 ou email concei.2012@gmail.com .  Enkouraja feto hodi aplika.

Dili,  11 de Marsu 2013

Management Belun

Job Vacancy: BELUN-Kordenador Kapasitasaun-CD 18 de Abril 2013

Employment Opportunities

Dead line: 18 de Abril 2013

Belun mak organizasaun nasionál no independente. Belun hari’i husi Timor oan iha loron 12 de Juñu 2004. Vizaun Belun mak Povo Timor-Leste Partisipa iha Prosesu Dezenvolvimentu no Hari’i no hametin Dame. Atu alkansa vizaun ida ne’e Belun halo bá nia misaun Hakbi’it komunidade, dezenvolve kapasidade, prevene konflitu, no hamenus tensaun. Hodi realiza Belun nia misaun, Belun hametin parseria ho Institutu Marques de Vale Flór (IMVF) husi Portugal bá implementa projetu Asistensia Teknika no Reforsa Kapasidade bá HASATIL no organizasaun sosiedade sivíl ho aksaun dezentralizadu iha dezenvolvimentu rural.

Atu implementa projetu no didi’ak, agora dadauk, Belun buka hela maluk nain ida atu prenxe bá pozisaun mensiona tuir mai:

Pozisaun         : Kordenador Kapasitasaun.

Hatan bá         : Diretór no Jestor Belun.

Superviziona  : Dezenvolvimentu kapasidade Parseiru.

Objetivu bo’ot bá projetu atu Kontribui bá hamenus kiak no hari’i Dame iha moris komunidade, no hametin rede HASATIL hanesan mahon bá membru sira ne’ébe serbisu iha dezemvolvimentu rural. Instituisaun governamental sira bá kopera no haforsa kbi’it komunidade rural.

Kna’ar no Responsabilidade

• Jere programa tomak hodi responde ba kna’ar Belun bá fasilita no dezenvolve Kapasitasaun parseiru.
• Atende regular enkontru steering committee kada fulan no update informasaun sumariu rezultadu ekontru. Nomos enkontru ho stakeholders seluk.
• Lidera no dezenvolve planu serbisu tuir prioriedade mensal hodi hatan di’ak ba annual work plan nomos reve planu serbisu mensal ekipa hodi serteza bá implementa atividade ho kualidade.
• Dezenvolve ajenda, modul treinamentu hamtuk 5 nomos relatoriu rezultadu atividades.
• Dezenvolve avaliasaun nesesidades treinamentu, dokumentus ne’ebé nesesita no oferese bá parseirus, nu’udar benefisiarius, analiza no antes implementa treinu.
• Fasilita treinamentu komun no individual bá parseirus ho dezenvolve relatoriu kada parseirus hodi implementa aksaun bá oin.
• Preparasaun materia no lojistiku antes implementa treinamentu.
• Rekapita bá materia ne’ébe hetan husi treinamentu.
• Kordenasaun di’ak ho ekipa IMVF no parseirus NGOs hanesan FONGTIL, Rede HASATIL, FOKUPERS no ETADEP nu’udar parseiru implementa programa. Nomos parsieur membru HASATIL iha distritu.
• Jere dokumentus programa ho kualidade iha Dokumentus bo’ot Belun no arkivu di’ak rezultadu treinamentu.
• Avalia performance serbisu ekipa kada fulan tolu nomos update rezultadu bá jestor Belun.
• Halo dokumentasaun iha atividades no dezenvolve relatoriu progresu, tinan bá atividades tomak no oferese bá diretór hodi aprova.
• Fasilita planu estratejiku bá kada parseiru NGOs no monitoriza rezultadu treinu husi dezenvolve relatoriu, nomos implementa evaluasaun bá impaktu treinamentu kada parseirus iha distritu.

Kriteria

• Hela metin iha distritu Dili no viajen bá – mai  distritu tuir ejijensia serbisu.
• Badinas no abilidade serbisu iha ekipa.
• Esperiénsia serbisu ho team.
• Esperiénsia ho kapasidade ba lidera atividades ho ekipa.
• Kapasidade iha lian Tetun (tuir ortografia), ngles no di’ak Portugés.
• Kbi’it ba uza programa MS Office, excel no koñesimentu email.
• Iha karta kondisaun bá motor no kareta.

Kualifikasaun

• Akaba universitariu, departementu dezenvolvimentu komunitariu ka kursu relevante.
• Esperiénsia serbisu NGOs ou Instituisaun seluk iha tinan 3 nia laran bá desenvolvimentu kapasidade.
• Esperiensia hakerek modul treinamentu ho notas fasilitasaun.
• Kbi’it nu’udar formador ho esperiensia klean.
• Koñesementu iha area kapasitasaun, resolusaun no transformasaun konflitu.
• Esperiensia di’ak bá analiza rezultadu treinamentu no hakerek relatoriu iha lianTetun (tuir ortografia) ho kualidade.
• Koñesementu igualdade jenéru.

Durasaun: fulan 3 (posibilidade estensaun)

Maluk sira ne’ebé interese, favor hatama CV no dokumentus relevante seluk mai edifisiu Belun-Farol, Dili antes tuku 5.30 lokraik iha dia, 18 de Abril 2013. Atu hatene di’ak liu tan informasaun bá vaga ne’e, bele kontaktu ba numeru telemovel 7792 3869 ou email concei.2012@gmail.com .  Enkouraja feto hodi aplika.

Dili,  11  de Marsu 2013

Management Belun